Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün-24 noyabr 2024-cü il tarixində Oğuz elində, Oğuz yurdunda toy-düyün, şadyanalıq idi…
Oğuz elinin, Qəhrəmanlar diyarı Salyanın Qəhrəman, İgid, Vətən sevdalısı Oğullarından biri olan Əfsanəvi Xüsusi Təyinatlı, 8 medallı, Qazi Samir Ağayevin toy məclisiydi…
Toy məclisi Salyan rayonunun Qarabağlı kəndində yerləşən “Asif” şadlıq sarayında baş tutdu…
Məclisdə bəylə gəlinin ailə üzvləri, qohumları, tanışları, o cümlədən “Əfsanəvi tabor”un Şəhidlərinin ailə üzvləri-Şəhid ataları, Qazilər, Əfsanəvi Xüsusi Təyinatlılar, ziyalılar iştirak edirdi….
Saat 17:00-dan-22:00-a kimi davam edən gözəl məclisdə öncə bəylə gəlin-Samir bəylə Yarı Səlinə xanım “Vağzalı” və alqış sədaları altında, Əfsanəvi Xüsusi Təyinatlılarının müşaiyəti ilə məclisə, toy zalına daxil oldular…
Sonra Şəhidlərimizin əziz xatirəsi bir dəqiqəlik sükutla yad olundu, əzəmətli Dövlət himnimiz səsləndirildi…
Daha sonra təbriklər, çıxışlar başladı…
Çıxışlarda, təbriklərdə bəylə gəlinin valideynlərinə, doğmalarına gözaydınlığı verildi, eləcə də Səkinə xanımla Samir bəyə xoşbəxtlik, bəxtəvərlik, ailə səadəti arzuladı, yeni cütlük gözəl və özəl günləri münasibəti ilə təbrik olundu…
Çıxışlardan sonra bir-birindən gözəl musiqilər, mahnılar səsləndirildi, rəqslər ifa edildi…
Keçmiş döyüş və hərbçi yoldaşları-Əfsanəvi Xüsusi Təyinatlıar əl qaldırıb oynadılar, sevindilər, şadlandılar, məclisə gözəllik qatdılar…
Hər zaman Şəhid ailələrinin və Qazilərin yanında olan tanınmış bəstəkar və sevilən müğənni Ruslan Səfəroğlunun ifa etdiyi və özünə məxsus olan bəstələri, xüsusilə, Samir bəylə Səkinə xanıma həsr etdiyi mahnısı ilə toya xüsusi rəng, məxsusi ab-hava qatdı, məclisdəkilərə ruhi qida verdi…
İfaları alqışlarla qarşılandı…
Bir sözlə, 24 noyabr 2024-cü il tarixində Oğuz elində, Salyanda gözəl və unudulmaz bir gün yaşandı…
İllər keçsə də…unudulmayacaq gözəl bir gün, gözəl bir məclis…
Allah bir daha bəylə gəlini, Samir bəylə Səkinə xanımı bir ömür boyu xoşbəxt və bəxtəvər etsin!
Qoşa yarıyıb, qoşa qarısınlar!
Amin!
***
FOTOLAR:
Kamil HƏMZƏOĞLU (HƏMİDOV)
Etikxeber.az
