“Varislik pozularsa, təbəddülatlar baş verə bilər…”- YAP RƏSMİSİNDƏN XƏBƏRDARLIQ

Heydər Əliyev müstəqil dövlətimizin təməl prinsiplərini yaradıb. Bu gün Azərbaycan həmin prinsiplər əsasında inkişaf edir. Bu təməl prinsipləri müair çağırışlara uyğun olaraq müəyyən yeniliklərə məruz qalsa da, onun nüvəsi dəyişməzdir. Azərbaycanın dövlət idarəçiliyində siyasi varislik anlayışı var. 

Siyasi varislik prinsipi Yeni Azərbaycan Partiyasının (YAP) proqramında da öz əksini tapır.  Bu prinsip fiziki cəhətdən şəxslərin hakimiyyətdə bir birini əvəz etməsi demək deyil. Burada söhbət dövlətin söykəndiyi təməl prnsiplərinin davam etməsindən gedir. Ona görə də, hər bir cəmiyyətdə varislik prinsipi olmalıdır. Bu prinsip pozularsa təbəddülatlar baş verə bilər.

Etikxeber.az xəbər verir ki, bunu Dini Qurumlarla İş üzrə Dövlət Komitəsinin sədri, YAP İcra katibinin müavini Mübariz Qurbanlı deyib.

Onun sözlərinə görə, məsələn, Türkiyədə bu dövlətin qurucusu Mustafa Kamal Atatürkün müəyyən etdiyi pinsipləri var. Türkiyədə bir çox partiyalar hakimiyyətə gəlsə də, həmin  prinsiplər təməl olaraq bu gün də qalır.

“Bu mənada Ulu Öndər Heydər Əliyevin müəyyən etdiyi prinsiplər dövlətçiliyimizin təməl prinsipləridir və onu heç kim təftiş edə bilməz.

Azərbaycançılıq ideologiyası, qanunçuluq, hakimiyyətin mənbəyinin xalq olması, vətəndaş həmrəyliyi təməl prinsiplərimizdir. Ulu Öndərin müəyyən etdiyi prinsiplər ölkəni daim irəliyə aparır. Prezidentimiz İlham Əliyevin siyasəti də bu təməllər üzərindədir və bu gün ölkəmiz uğurla inkişaf edir.

Bu gün Azərbaycan nəinki regionun lider dövlətidir, eyni zamanda dünyada böyük nüfuza sahibdir. Azərbaycanın dinamik inkişafı bütün sahələri əhatə edir, əhalinin rifahı davamlı olaraq yüksəlir, Azərbaycan gücünü, qüdrətini daha da artırır. Ölkəmizin həyata keçirdiyi qlobal layihələr beynəlxalq miqyasda Azərbaycanın mövqelərini gücləndirir. Bu amillər Ermənistan-Azərbaycan Dağlıq Qarabağ münaqişəsinin ədalətli həllinə də dəstək verməkdədir.

Beləliklə, bu nailiyyətlərin əsasında Heydər Əliyev siyasəti dayanır. Biz Azərbaycan xalqı olaraq Ulu Öndərin əziz xatirəsini  həmişə yad edirik və bundan sonra da edəcəyik.

Heydər Əliyev yolu  Azərbaycanı daha böyük zirvələrə aparacaq…”-deyə, M. Qurbanlı sözlərinə əlavə edib.

Etikxeber.az

Read Previous

“Tarix Klubu”nun daha bir uğuru – QALİBLƏR MÜKAFATLANDIRILDI – FOTOLAR

Read Next

“Onun kimi şəxsiyyətlər tarixdə az-az yetişir…” – MİLLƏT VƏKİLİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir