Vitse-spiker: Xeyli sayda məhkumun əfvilə bağlı Əfv Komissiyasına edilən müraciətlər müsbət nəticələnib

“Milli Məclisin İnsan hüquqları komitəsinin xeyli sayda məhkumun əfv olunması ilə bağlı Əfv Komissiyasına etdiyi müraciətlər müsbət  nəticələnib. Ancaq bu barədə konkret rəqəm söyləyə bilmərəm”.
 Bunu Etikxeber.az-a Milli Məclisin (MM) sədr müavini, İnasan  hüquqları komitəsinin sədri Bahar Muradova bildirib.
Qeyd edək ki, 2016-ci ilin payız sessiyası dövründə İnsan hüquqları komitəsinə əfvlə bağlı 33 müraciət daxil olub.
Əfvlə bağlı daxil olan müracitələrin nə qədərinə müsbət cavab  verilməsi ilə bağlı məsələyə aydınlıq  gətirən B.Muradova bildirib ki,  komitəyə bu yöndə  hər sessiya müddətində çoxsaylı müraciətlər daxil  olur və onlar da öz növbəsində  Əfv Komissiyasına müraciət edir:
“Ancaq   bizim müraciətimiz əsasında  nə qədər məhkumun əfv olunması ilə bağlı konkret  rəqəm yoxdur,  sadəcə, Əfv Komisisyasının  bir çox müraciətlərimizə müsbət  cavab verərək, məhkumların azad olduqlarını bilirik…”
 B.Muradava bildirib ki, həm komitəsnin sədri olduğu dövrdə, həm də MM-dəki fəaliyyəti dövrümdə onun özünə əfvlə bağlı çoxsaylı müraciətlər daxil olub.
“Biz yalnız, bizə müraciət edən insanların müraciəti ilə bağlı Əfv Komissiyasına  məktub ünvanlayırıq. Çünki məhkumun əfvə düşməsi ilə bağlı müəyyən şərtlər və əsaslar var. Elə cinayət əməlləri var ki, həmin əməllərə görə məhkum əfv olunmur. Bir də insanlar məhkəmə hökmündən dərhal sonra əfvlə bağlı müraciət edir. Axı,  məhkum ən azından ona verilən cəzanın bir hissəsini çəkdikdən sonra əfvlə bağlı müraciət edə bilər. Elə müraciətlər var ki, biz onun əfvə düşməyəcəyini bilirk. Bunu vətəndaşa izah edirik. Amma bütün bunlara rəğmən,  bizə  müraciət edənləri incitməmək, seçiciyə diqqətsizliyimizi  göstərməmək üçün Əfv Komissiyasına müraciət edirik. Ən azından vətəndaşın  mənəvi rahatlıq tapmasını istəyirik. Ona görə də müraciətlərin sayı çoxdur. Əfv Komissiyası da bizim müraciətlərimizə diqqətlə yanaşır və onları araşdırır”– deyə, komitə sədri sonra bildirib.
Etikxeber.az

Read Previous

Bahar Muradova: Soyqırımla bağlı qanun layihəsi fevralda müzakirəyə çıxarılacaq

Read Next

Pakistanda növbəti terrakt: 21 nəfər həlak olub, 40 nəfər yaralanıb

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0