Xəzər dənizində sərhəd naryadı tərəfindən insan cəsədi aşkarlandı

Fevralın 17-də saat 17:20 radələrində Qaradağ rayonunun Pirsaat ərazisində sahil nəzarəti həyata keçirən sərhəd naryadı tərəfindən Xəzər dənizinin səthində sahildən 1 mil aralı məsafədə insan cəsədi aşkarlanıb.

Dövlət Sərhəd Xidmətinin mətbuat mərkəzindən Etikxeber.az-a bildiriblər ki, həyata keçirilən tədbirlər nəticəsində təqribən 45-50 yaşlı kişi cəsədi sahilə çıxarılıb.

Faktla bağlı araşdırma aparılır.

Etikxeber.az