“Yalnız bu gün ərzində Tərtərə 2 mindən çox mərmi düşüb…Bu vəhşilik, barbarlıq və insanlığa yaraşmayan hərəkətdir…”-PREZİDENTİN KÖMƏKÇİSİ ADEKVAT CAVAB TƏDBİRLƏRİNİN GÖRÜLƏCƏYİNİ BƏYAN ETDİ

Ermənistan silahlı qüvvələri Azərbaycanın yaşayış məntəqələrini və mülki əhalisini qəsdən hədəfə almaqda davam edir.

Etikxeber.az xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

“Yalnız bu gün ərzində Tərtərə 2 mindən çox mərmi düşüb. Bu vəhşilik, barbarlıq və insanlığa yaraşmayan hərəkətdir.

Ermənistanın beynəlxalq humanitar hüququn, o cümlədən 1949-cu il Cenevrə konvensiyalarının müddəalarını kobud surətdə pozan bu hərəkəti müharibə cinayətidir.

Bildiririk ki, Azərbaycan silahlı qüvvələri tərəfindən adekvat cavab tədbirləri həyata keçiriləcək”-deyə, o, əlavə edib.

Etikxeber.az