“YAP xalq partiyası olaraq, yalnız məmurların, yaxud, nomenklaturanın deyil, məhz əhalinin əsas qurucu hissəsinin, ölkənin ÜDM-ni formalaşdıran sahibkarlar təbəqəsinin partiyası olaraq tanınması arzu edilir”-ZAHİD ORUCDAN YAP-A ÇAĞIRIŞ

Zahid ORUC:”Mehriban xanımın hakim partiyada ön mövqeyi…”

Milli Məclisin (MM) İnsan hüquqları komitəsinin sədri Zahid Oruc parlamentin bugünkü iclasında geniş çıxış edib.

Etikxeber.az çıxışı olduğu kimi, təqdim edir:

-Ötən həftənin və eləcə də yaşadığımız ilin ən mühüm hadisələrindən biri hakim siyasi partiyanın qurultayının keçirilməsi, prezident İlham Əliyevin dövlətimizin və millətimizin gələcəyi ilə bağlı parlaq çıxışı oldu.

Bəli, indi ölkəmiz 1992-ci ilin noyabrın 21-dən fərqli mühitdə yaşayır.Digər tərəfdən, İham Əliyev bir partiyanın deyil, bütün xalqın lideridir.O, ideoloji kursu və təşkilati strukturu ayrı olan bir təşkilatın maraqlarının təmsilçisi kimi deyil, bütövükdə millətin mənafeyindən çıxış edir.Vətən Müharibəsində qələbə, yeni hədəflər və yeni ideallar, yeni milli kimlik və siyasi kimlik ortaya çıxarır. Bu da hakim partiyanın yenilənməsini tələb edir.Ona görə də həyata keçirilən struktur, kadr və gözlənilən yeni proqramın qəbulu mühüm hadisədir.

Partiyanin yeni tərkib idarəedicilərinin formalaşması, onları şəxsən ölkə rəhbəri tərəfindən seçilməsi reputasiyası ilə hakim qüvvəni təmsil etməyə qadir yeni komandanın yaradılması, əvvəlki səhvlərin təkrarlanmaması üçün yolların tapılması deməkdir.Əks halda Siyasi Şura bütövlükdə ləğv edilməzdi.Prezident 2019-cu ildə başladığı Yeni Hakimiyyət quruculuğunu davam etdirərək rəhbəri oldugu təşkilati zamanın çağırışlarına hazırlayır.

Hörmətli Mehriban xanımın, Birinci vitse-prezidentliyi dövlət idarəçilyi üçün təmizlənmə və şəffaflıq, hesabatlılıq və məsuliyyət yaratdığı kimi, hakim partiyada da birinci müavinliyi düzgün və məsuliyyətli idarəçiliyə, eləcə də qadınların ön mövqelərə çıxmasına, ölkəmizdə xanımların bütün həyat sferalarında ugur qazanmasına mühüm töhfə olacaqdır. Elə etmək olar ki, idarəetmə üçün kadrların mühüm bir hissəsi məhz orada formalaşsın. Məsuliyyəti də onlar bölüşsün və təmiz olsunlar.Yəqin, icra hakimiyyətlərində müavin postunda olan son 7 rayon rəhbərlərinin həbsində hakim partiyanın yerli təmsilçilərinin rolu, qanunsuz əməllərdə iştirakı icra hakimiyyətləri-partiya sisteminə yenidən baxmağı zəruri edəcəkdir, islahatların hansı sahələrdə aparılmasının vəsilə olacaqdır.

Əlbəttə, verilən qərarlar sübut edir ki, Prezident bütün siyasi qüvvələrin maraqlarının nəzərə alındığı bir ölkə qurmaq istəyir.Digər tərəfdən, YAP xalq partiyası olaraq, yalnız məmurların, yaxud, nomenklaturanın deyil, məhz əhalinin əsas qurucu hissəsinin, elmli və intellektual gəncliyin, qadınların, ölkənin ÜDM-ni formalaşdıran sahibkarlar təbəqəsinin partiyası olaraq tanınması arzu edilir. Milyonlarla insanın müdafiə etdiyi bir lider rəhbərlik etdiyi siyasi qüvvənin yalnız say deyil, ictimai siyasi həyatda əsas avanqard qüvvəyə çevrilməsini, ideyalar istehsal etməsini və gündəliyi müəyyənləşdirməsini, dövlət kursunun həyata keçirilməsində öncüllüyünü tələb edir.

Təəssüf ki, gerçək siyasi fəaliyyət son on ildə əsasən iki paltformaya keçib-ya şəbəkə dünyasına, virtual aləmə daşınıb və oradakı qeyri-hüquqi vasitələrlə amansız xarakter daşıyır, ya da ara-sıra davakar siyasi qrupların güc yolu ilə hakimiyyətə gəlmək, xarici mərkəzlərin məxfi yollarla ötürdüyü inqilabi planları icra etmək üçün küçələrə daşınan toqquşmalar şəklini alıb. Prezident yeni partiyalar sisteminin formalaşmasında maraqlı oldugunu sübut etdi.

Qoy müxalifət də ideyaca yaxın olanlarla birləşsin, proqramlarını, ənənəvi fəaliyyət üsullarını dəyişsinlər, təşkilati strukturlarını yeniləsinlər.Belə olarsa, ölkəmizdə canlı və aktiv bir siyasi mühit bərqərar olar! Heydər Əliyev YAP-ı yaradarkən, dövlət qurmağı və ərazi bütövlüyünü təmin etməyi qarşıya ali vəzifə kimi qoymuşdu, indi isə İlham Əliyev onu qorumaq və gücləndirməyi tapşırır!”

Kamil HƏMZƏOĞLU

Etikxeber.az

Read Previous

“Qiymət artımı, bahalaşma insanların maddi durumuna çox ciddi təsir edir və narazılıq yaradır…”-ƏLİ MƏSİMLİ

Read Next

“Əsas hədəfimiz insanların çalışma yerindən uzaqlaşmaması və işləməsidir”-FAZİL MUSTAFA OPERATİV QƏRARGAHA SƏSLƏNDİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir