“Yaranmış şəraitə uyğun olaraq onlayn iclaslar keçirməklə…”-MM-İN KOMİTƏ SƏDRİ

 Milli Məcis yaranmış şəraitə uyğun olaraq onlayn iclaslar keçirməklə hökumətin həyata keçirdiyi tədbirlərə zəruri qanunvecirilik dəstəyinin verilməsi üçün fəaliyyətini davam etdirir. Pandemiyadan sonrakı dünyanın fərqli bir dünya olacağını bütün təhlilçilər söyləyir. İqtisadi münasibətlərdə yeni innovativ fəaliyyətlərin və milli tənzimləmələrin əsas hərəkətverici qüvvə olacağı proqnozlaşdırılır.

Etikxeber.az xəbər verir ki, bunu Milli Məclisin (MM) İqtisadi siyasət, sənaye və sahibkarlıq komitəsinin sədri Tahir Mirkişili deyib.

“İqtisadi qanunvercilik qarşısında da əsas vəzifə pandemiyadan sonrakı iqtisadi aktivliyi artırmaq və yeni iqtisadi münasibətlərin qurulması yönümündə müvafiq hüquqi bazanın yaradılması, mövcud qanunlarının təftiş olunması və onların gələcək fəaliyyətə uyğunlaşdırılmasıdır. Dövlət başçısının apardığı iqtisadi islahatların öz hədəfinə daha tez çatması istiqamətində iqtisadi qanunvericiliyin təkmilləşdirilməsi bizim ən ümdə vəzifəmizdir…”-deyə, o, əlavə edib.

Etikxeber.az