“Yaxınlarda məcburi köçkünlərin azad olunmuş ərazilərə qayıdışının şahidi olacağıq”-XARİCİ İŞLƏR NAZİRİ

Azərbaycan Respublikası üçün işğaldan azad olunmuş ərazilərin bərpası prioritet hesab olunur, buna dövlət səviyyəsində yüksək əhəmiyyət verilir.

Etikxeber.az məlumat verir ki, bunu Azərbaycanın xarici işlər naziri Ceyhun Bayramov Bakıda rusiyalı həmkarı Sergey Lavrovla birgə keçirdiyi mətbuat konfransında deyib.

“Məqsədlərin böyük hissəsi yerinə yetirilir, ərazilərin bərpası çox yüksək templə aparılır. Və biz bu yaxınlarda məcburi köçkünlərin azad olunmuş ərazilərə qayıdışının şahidi olacağıq. Bu nöqteyi-nəzərdən deyə bilərəm ki, azad olunmuş ərazilərin bərpası ilə bağlı müştərək layihələrin həyata keçirilməsi də əməkdaşlığımızın hissəsi sayılır”– deyən XİN rəhbəri Rusiya şirkətlərinin Qarabağın bərpasında marağını yüksək dəyərləndirdiklərini də diqqətə çatdırıb.

Etikxeber.az