Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Komitə sədri: Yeni baş nazir uğurlu kadr, tanınmış siyasətçidir
Hökumətin yeni tərkibinin formalaşdırılması, yeni baş nazirin təyin olunması ilə ölkədə həyata keçirilən islahatlar, görülən işlər daha da uğurla davam etdiriləcək.
Etikxeber.az-ın xəbərinə görə, bunu aprelin 23-də Milli Məclisin (MM) İqtisadi siyasət, sənaye və sahibkarlıq komitəsinin növbəti iclasında adıçəkilən komitənin sədri, akademik Ziyad Səmədzadə deyib.
Komitə sədri MM-in son iclasında ölkə prezidenti İlham Əliyevin təqdimatı ilə yeni baş nazirin təsdiqləndiyini və elə həmin gün hökümətin tərkibinin formalaşdırılması ilə məlum sərəncam imzalandığını bildirib.
O, qeyd edib ki, yeni baş nazir Novruz Məmmədov təcrübəli, savadlı, öz işini bilən tanınmış siyasətçi və kadrdır:
“Hesab edirəm ki, onun başçılığı ilə ölkə Prezidenti tərəfindən həyata keçirilən islahatlar prosesi daha da uğurla davam etdiriləcək, qarşıya qoyulan hədəflərə çatılacaq”.
Komitə sədri eyni zamanda, İ. Əliyevin yenidən prezident seçilməsini Azərbaycan xalqının düzgün seçimi kimi dəyərləndirib:
“Azərbaycan xalqı belə bir seçim etməklə sabitliyə, inkişafa, təhlükəsizliyə səs, dəstək vermiş oldu. Azərbaycan xalqı növbəti 7 ildə də ölkə Prezidentinin rəhbərliyi ilə böyük uğurlara imza atacaq”.
Kamil HƏMZƏOĞLU
Etikxeber.az
