“Zorakılıq və insan alveri: ona qarşı mübarizə”-BALAKƏNDƏ BU MÖVZUDA TƏDBİR DÜZƏNLƏNDİ – FOTOLAR

Balakəndə “Zorakılıq və insan alveri: ona qarşı mübarizə “ mövzusunda seminar keçirilib.

Etikxeber.az-ın xəbərinə görə, Balakən şəhər İ. Nəsimi adına şəhər 2 saylı tam  orta məktəb tərəfindən  xüsusilə gənclər arasında insan alveri, zorakılıq və onun yaratdığı fəsadlara qarşı mübarizə üzrə təbliğat və maarifləndirmə işlərinin gücləndirilməsi istiqamətində  mütəmadi olaraq genişmiqyaslı layihələr həyata keçirilir.

Bu tədbirlərdən biri də məktəbin direktoru Samirə Varansova, məktəb uşaq birliyinin rəhbəri Pərvanə Qurbanovanın təşkilatçılığı  ilə sosial məsafə tələblərinin qorunması əsasında yuxarı sinif şagirdləri ilə  keçirilib.

Samirə Varanova bu kimi seminar və görüşlərin təşkilini yüksək qiymətləndirmiş, daim şagirdlərin inkişafı  tədbirlərində məktəbin fəal rol oynadığını qeyd etmişdir.

Uşaq birliyinin rəhbəri Pərvanə Qurbanova mövzu ətrafında şagirdlərə ikin məlumat vermiş, belə tədbirlərin şagirdlərin şəxsi inkişafı üçün vacib olduğunu vurğulamışdır.

Görüşdə sosial işçi, təbiətşünas, Bakı Dövlət Universitetinin magistrantı  Rəvan Əliyev  insan və onun mahiyyəti, zorakılıq, insan alveri kimi mövzular ətrafında şagirdlərə məlumat vermişdir.

Tədbirdə insan alverinə və zorakılığa daha çox azyaşlı uşaqların, o cümlədən qadınların məruz qaldığı qeyd edilmiş, ondan qorunmaq yolları barədə praktiki məlumatlar verilmişdir

Sonda şagirdlərin mövzu ətrafinda sualları cavablandırılıb  və xatirə şəkili çəkilib.

Etikxeber.az

Read Previous

Əliyevdən Putinə-TƏBRİK…

Read Next

Ermənistan silahlı qüvvələri Kəlbəcər istiqamətində mövqelərimizi-ATƏŞƏ TUTDU… – YENİLƏNİB

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir