Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bayramlara insanların ehtiyacı var.
Həmişə və hər yerdə belə olub, belə də olacaq.
Bayramlar yoxdursa, onları yaratmaq lazımdır.
Bayramlar varsa, onları əsl bayram kimi, təntənəsi, xoş ovqatı ilə keçirmək lazımdır.
Hər ilin son günü dünya boyu soydaşlarımızın dayanışma, həmrəylik günü bayramıdır.
Bir ölkə içində də, dünya boyunca bir millətin sıra nəfərləri arasında da mütləq həmrəyliyə çatmaq müşküldür.
Bu bir arzudur və daim ona nail olmağa doğru can atmaq vacibdir.
Bu böyük arzuya yetişmək üçünsə gərək ən yaxından başlayasan. Bir ailənin işində həmrəylik varsa, qonşunla, yaxınınla, çalışdığın iş yerindəki yoldaşlarınla, əməkdaşlarınla anlaşmaya, birliyə, rəy, baxış, mövqe ortaqlığına nail olmusansa, demək, yurdun, millətin, soydaşların böyük həmrəyliyinə doğru mühüm addımları atanlardansan, bu ilkə, bu aza müvəffəq olmaq mümkündürsə, deməli, böyük həmrəylik də xəyalat deyil, əlçatmaz deyil, gec-tez çatılası ülvi bir zirvədir.
…Biz Nizami Gəncəvi adına Milli Azərbaycan Ədəbiyyatı muzeyində böyük bayramlarla yanaşı bir neçə balaca bayramımızı da qeyd etdik.Onlardan biri muzeyin elmi işlər üzrə direktor müavini, filologiya üzrə elmlər doktoru, professor Xatirə Bəşirlinin 60 illik yubiley idi. Hamılıqla, ortaq sevinclə bölüşdük o bayramı.Və digər bayramımızın – muzey əməkdaşları arasında yarada və yaşada bildiyimiz həmrəyliyin, anlaşmanın, doğmalığın bayram sayılan daha bir gününün fərəhini bölüşdük.
Yığışmışkən həmin BİRLİYin, həmin BAYRAMın şəklini də çəkdirdik!
Rafael HÜSEYNOV,
Akademik
Etikxeber.az