Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Biz Birinci Qarabağ Savaşını, Birinci Vətən Müharibəsini (1988-94-cü illər) də unutmamalıyıq və unutmuruq. Birinci Qarabağ Savaşının ilk illəri çox xaotik, Azərbaycanımızın hərc-mərclik zamanına rast gələn bir dövr idi və o dövrdə də oğullarımız Səhid olublar və yaxud Qazi kimi qayıdıblar, amma bu günə qədər onların nə şəhidliyi tanınıb, nə şəhidlik statusunu, nə də veteranlıq sənədlərini ala bilirlər.
Etikxeber.az xəbər verir ki, bunu millət vəkili, professor Jalə Əliyeva deyib.
Qeyd edib ki, bu yöndə fikirlərini və təkliflərini Milli Məclisin (MM) Əmək və sosial siyasət komitəsinin srağagünkü iclasında da səsləndirib.
“İclasda da dedim, indi də demək istəyirəm-çox güman ki, həmkarlarıma da zamanında bununla bağlı çoxlu sayda müraciətlər daxil olub. Mənim özümə də çoxsaylı müraciətlər edilib. O zamankı hərbi hissələrdə hərc-mərclikdən sənədlər itib, sənədlər yanıb, rayon çağırış bölmələrində də bu adamlarla bağlı sənədlər yoxdur. Amma bu adamları tanıyan insanlar, şahidlər var. Bu insanlar savaşda iştirak ediblər, ya həyatlarını itiriblər, ya yaralı kimi geri qayıdıblar. Bunların haqqında da düşünürəm ki, status verilməsi üçün qanunvericilikdə hər hansı bir boşluq varsa, onu doldurmağın vaxtıdır.
Və həmin qəbildən müharibədə iştirak edən, geri qayıdan və iş başında, artıq sülh şəraitində həyatını itirən insanlar var ki, onların da ailələri heç bir statusdan yararlana bilmirlər. Amma müqayisə üçün, məsələn, Çernobl əlillərinin ailələri statusları var deyə, onlar həmin statusun yaratdığı imtiyazlardan bu günə qədər istifadə edirlər. Amma deyək ki, müharibədə iştirak edib gələndən sonra işində, kabinetində, vəzifə başında həlak olan insanların heç bir statusu yoxdur. İclasda da dedim və indi də demək istərdim ki, həmin insanlarla da bağlı addımlar atmağın, qanunvericilikdəki boşluğu doldurmağın əsl zamanıdır. İnanıram ki, belə də olacaq”-deyə, millət vəkili sözlərinə əlavə edib.
12:02
Etikxeber.az
