“Həmin tikilinin təmir edilərək Rəşad Mahmudovun ev muzeyinə çevrilməsi məsələsini qərarlaşdırdıq”- MİLLƏT VƏKİLİ – FOTOLAR

Şəhidimiz Rəşad Mahmudovun anası Sevda Mahmudova ilə videobağlantı vasitəsi ilə söhbət etdik. Yeganə istəyi övladının qisasının alınması və bir də xatirəsinin əbədiləşdirilməsidir.

Etikxeber.az xəbər verir ki, bunu millət vəkili Bəhruz Məhərrəmov deyib.

“Şəhidimiz Rəşad özünə ev tikirdi, şəhadəti ilə tikili yarımçıq qaldı. Əlbəttə, dövlətimiz heç bir zaman şəhid ailəsinə qayğısını əsirgəməyib. Bu gün də Sevda ananın bütün qayğıları dövlətin, şəxsən cənab İlham Əliyevin və Mehriban xanım Əliyevanın diqqət mərkəzindədir”-deyən millət vəkilinin sözlərinə görə, lakin biz də vətəndaş olaraq bu məsələlərdə aktiv olmalıyıq.

“Bu baxımdan, həmin tikilinin təmir edilərək Rəşad Mahmudovun ev muzeyinə çevrilməsi məsələsini qərarlaşdırdıq”-deyə, o, əlavə edib.

Etikxeber.az