Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün deputat Razi Nurullayev və tərəfdarları “Zoom” formatında Azərbaycan Xalq Cəbhəsi Partiyasının (AXCP) növbəti qurultayını keçirib.
Etikxeber.az-ın məlumatına görə, qurultayda partiyanın adının dəyişdirilməsi ilə bağlı qərar qəbul edilib.
Partiyanın adı Milli Cəbhə Partiyası (MCP) olaraq dəyişdirilib.
Bununla bağlı partiyanın bəyannaməsində deyilir:
“…AXCP adından imtina edir, siyasi proseslərdə partiya olaraq iştirakımıza hüquqi zəmin yaratmaq üçün Milli Cəbhə Partiyası təsis etdiyimizi elan edirik.Bu addımla biz müxalif düşərgədə ilk həmrəyliyin yaranması istiqamətində addım atmış oluruq. Bütün hərəkatçıları və sağlam cəbhəçiləri çaşqın və məşəqqətli durumda olmaqdan xilas olmağa, birləşmək istiqamətində sağlam düşüncəyə səsləyirik. Eyni zamanda fəal siyasi kəsimə seçim üçün imkan yaradırıq ki, siyasi mübarizələrini sağlam formada və millətə sevgi və dövlətə etiqad prinsipində olan bir partiyada davam etdirə bilsinlər. Hesab edirik ki, MCP-nin yaranması ilə siyasi qüvvələr arasında təmərküzləşməyə nail olmaq və bütün siyasi qüvvələrlə qarşılıqlı əməkdaşlıq mümkündür…”.
Etikxeber.az