Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Sabah, mayın 6-da Milli Məclisin (MM) İntizam Komissiyasının 6-cı çağırış dövründə geniş iclası keçiriləcək.
Etikxeber.az-ın MM-dən əldə etdiyi məlumata görə, iclas həm də Komissiya üzvləri tanışlıq xarakteri daşıyacaq.
Qeyd edək ki, İntizam Komissiyasının fəaliyyət göstərdiyi ötən illər ərzində azsaylı iclasları qapalı və geniş olmayan tərkibə keçirilib.
Bu dəfə isə bir qədər fərqli olacaq, Komissiya üzvləri ilə geniş fikir mübadiləsi aparılacaq, həmçinin, Komissiyanın fəaliyyətinin daha da gücləndirilməsi, canlandırılması məsələsi müzakirə ediləcək.
Onu da qeyd edək ki, İntizam Komissiyasına 7-ci dəfə deputat seçilən tanınmış siyasətçi və millət vəkili Eldar İbrahimov rəhbərlik edir.
İntizam komissiyasının tərkibi:
İbrahimov Eldar Rza oğlu – Sədr
Ağamalı Fəzail Rəhim oğlu – müavin
Həsənov Nurlan Urfan oğlu -katib
Həsənova Afət Əbil qızı
İbrahimqızı Məlahət İbrahim qızı
Məhəməliyev Nəsib Məhəmməd oğlu
Məmmədov Hikmət Baba oğlu
Məmmədov Məşhur Şahbaz oğlu
Möhbalıyev Səttar Suliddin oğlu
Musayev Madər Əliəsgər oğlu
Səfərov Nizami Abdulla oğlu
15:32, 5 may
***
İntizam Komissiyasının iclası bu gün saat 12:00-da öz işinə başlayacaq.
Qeyd edək ki, son 25 ildə ilk dəfədir ki, belə bir geniş formatda iclas baş tutacaq.
***
Komissiyanın iclası başlayıb.
İclasa E. İbrahimov sədrlik edir.
12:02
***
Komissiyanın iclası bir saatdan artıq çəkib.
İclas həm tanışlıq xarakerli olub, həm də bəzi məsələlərlə bağlı fikir mübadiləsi aparılıb.
14:14
***
Komissiyanın sədri E. İbrahimov diqqətə çatdırıb ki, komissiyanın fəaliyyətini daha da yaxşılaşdırmaq üçün yeni Əsasnamə hazırlanıb. Əsasnamə layihəsi hazır olanda müzakirəyə təqdim ediləcək.
İclasda çıxış edən komissiyanın katibi, deputat Nurlan Həsənov bildirib ki, İntizam komissiyasının fəaliyyətini tənzimləyəcək yeni Əsasnamədə komissiyanın səlahiyyətləri, deputatın hüquq və vəzifələri, müraciətlərə baxılması qaydası və digər məsələlər öz əksini tapmışdır. Əsasnamə hazırlanarkən beynəlxalq təcrübədən, əsasən isə Almaniya təcrübəsindən istifadə olunub.
Sonra çıxış edən komissiya üzvləri Fəzail Ağamalı, Məlahət İbrahimqızı, Səttar Möhbalıyev, Hikmət Məmmədov, Nəsib Məhəməliyev, Nizami Səfərov, Məşhur Məmmədov, Afət Həsənova yeni Əsasnamə barədə təkliflərini verdilər, prosesin sürətləndirilməsinin vacibliyini vurğuladılar.
Bununla da İntizam komissiyasının iclası başa çatıb.
Etikxeber.az