Ombudsmanın hesabatı Milli Məclisin 7-ci – 24 aprel tarixli iclasının müzakirəsinə-ÇIXARILACAQ – YENİLƏNİB – (1)

İnsan hüquqları üzrə Müvəkkilin (Ombudsmanının) illik hesabat məruzəsi artıq parlamentə və İnsan hüquqları komitəsinə daxil olub.

Etikxeber.az-ın xəbərinə görə, hesabat məruzəsi 6-cı çağırış Milli Məclisin (MM) növbəti-7-ci iclasına çıxarılmazdan öncə MM-in İnsan hüquqları komitəsində geniş müzakirələrdən keçiriləcək.

Zahid Orucun rəhbərlik etdiyi İnsan hüquqları komitəsi hesabatla bağlı müzakirələr apardıqdan sonra onu MM-in plenar iclasına tövsiyə edəcəklər.

Qeyd edək ki, hesabatla ilk dəfə olaraq yeni-ikinci Ombudsman Səbinə Əliyevə çıxış edəcək.

O, 2019-cu ilin payızında-5-ci çağırış MM-də 3 nəfərin arasından Ombudsman seçilib və ölkə Prezidenti tərəfindən təsdiqləndikdən sonra vəzifəsinin icrasına başlayıb.

Onu da qeyd edək ki, S. Əliyeva sabiq vitse-spiker və keçmiş səfir Yaşar Əliyevin qızı, millət vəkili Siyavuş Novruzovun həyat yoldaşıdır.

MM-in İnsan hüquqları komitəsinin və plenar iclasın nə vaxt keçiriləcəyinə gəlincə isə hələlik bununla bağlı qırar verilməyib.

İclas(lar)ın bu həftə və ya gələn həftə keçirilməsi gözlənilir.

08:50

***

MM-dən son anda əldə etdiyimiz məlumata görə, parlamentin növbəti-7-ci plenar iclası aprelin 24-də keçiriləcək.

İnsan hüquqları komitəsinin iclası isə sabah 11:00-da və əvvəlki formatda (onlaynsız) keçiriləcək.

Bütün komitə üzvləri iclasa qatılacaq və iclasda S. Əliyevanın məruzəsi dinləniləcək, onun ətrafında müzakirələr aparılacaq.

Müzakirələrin yekununda isə Ombudsmanın hesabatı MM-in ayın 24-də gözlənilən iclasına tövsiyə olunacaq.

09:19

***

MM-in ayın 24-də iclasının olacağı parlamentin Mətbuat Xidməti tərəfindən də təsdiqlənib.

Bu haqda MM-in Mətbuat Xidmətinin rəhbəri Akif Təvəkküloğlu məlumat verib.

Qeyd edib ki, 24 aprel iclasının gündəliyinə 27 məsələ daxil edilib və ilk məsələ də Ombudsmanın illik hesabatıdır.

Etikxeber.az