Yanğınla bağlı monitorinq və araşdırma işlərinə başlanıldı – NAZİRLİK

İyunun 3-də Binəqədi rayonu, 7-ci mikrorayon, keçmiş ağac emalı zavodunun həyətində işlənmiş rezin şinlərin naməlum səbəbdən yanması nəticəsində havaya qatı tüstü yayılıb.

Ekologiya və Təbii Sərvətlər Nazirliyinin əməkdaşları dərhal hadisə yerində monitorinq və araşdırma işlərinə başlayıblar.

Nazirliyin mətbuat xidmətindən Etikxeber.az-a verilən xəbərə görə, mütəxəssislər atmosferə yayılan qara tüstü axını ilə əlaqədar havanın çirklənmə səviyyəsini müəyyən etmək üçün sanitar mühafizə zonasından xüsusi cihazlarla nümunələr götürüblər. Götürülmüş nümunələr üzərində laborator analiz aparıldıqdan sonra nəticələr barədə məlumat veriləcək.

Nazirliyin əməkdaşları hazırda hadisə yerində araşdırma və monitorinqləri davam etdirirlər.

Etikxeber.az