Yol qəzalarından sonra intiharlar insanların ikinci əsas ölüm səbəbidir – ÜST

Ümumdünya Səhiyyə Təşkilatının (ÜST) hesabatında bildirilir ki, dünyada hər 40 saniyədən bir intihar halı baş verir.

Təşkilat əlavə edib ki, ölkələr bu faciələrin qarşısını almaq üçün tədbirlər görməlidir.

Etikxeber.az xarici mediaya istinadla xəbər verir ki, 2010-2016-cı illər arasında qlobal intihar halları 9,8 faiz artıb.

Həyatla vidalaşmağa cəhdlər isə ən çox Amerikada qeydə alınıb.

ÜST-nin baş direktoru Tedros Adhanom Qebreyesus deyib: “Hər bir ölüm ailələr, dostlar və həmkarlar üçün bir faciədir. Biz bütün ölkələri səhiyyə sistemi çərçivəsində intiharların qarşısını almaq istiqamətində əməli tədbirlər görmək istiqamətində strategiyalar və müvafiq tədris proqramları hazırlamağa çağırırıq”.

ÜST qeyd edir ki, hər il intiharlar nəticəsində 800 min insan dünyasını dəyişir. Bu, malyariya, döş xərçəngi, müharibələr və cinayətlər nəticəsində ölənlərin sayından çoxdur. İntihar hallarını “qlobal səhiyyə problemi” adlandıran ÜST bildirir ki, cəmi 38 ölkə bu faciələrin qarşısını almaq üçün strategiya hazırlayıb. Hesabatda o da vurğulanır ki, Afrika, Avropa və Cənub-Şərqi Asiyada hər 100 min nəfərə 10,5 intihar edən düşür. Qadınların kişilərdən daha çox intihar etdiyi ölkələr isə Banqladeş, Çin, Lesoto, Mərakeş və Myanmadır.

ÜST-nin hesabatına görə, intiharların 79 faizi orta və aşağı gəlir səviyyəsi olan ölkələrdə baş verir. İnkişaf etmiş ölkələrdə isə həyatla könüllü vidalaşan kişilərin sayı qadınlardan daha çoxdur.

“Yol qəzalarından sonra intiharlar 15-29 yaş arasında olan insanların ikinci əsas ölüm səbəbidir” -deyə, hesabat müəllifləri qeyd ediblər.

Etikxeber.az

Read Previous

Müddətli müqavilə ilə müəllimlərin işə qəbuluna start verilir – BU GÜNDƏN

Read Next

Nəsimi – 7 böyük ozandan biri – ƏLİ HƏSƏNOV YAZDI – VİDEO

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir