Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bugünlərdə Şuşa 1 saylı məktəbdə “Azərbaycan İqtisadçılar İttifaqı” İctimai Birliyinin çapdan çıxmış “Şuşa-270. Şuşanın demoqrafik, sosial-iqtisdi inkişafı: dünən, bu gün və perspektivlər” adlı kitabı ictimaiyyətə təqdim edilib.
Etikxeber.az xəbər verir ki, kitab Azərbaycan Respublikası Qeyri Hökumət Təşkilatlarına Dövlət Dəstəyi Agentliyinin “Şuşa ili” çərçivəsində elan etdiyi xüsusi qrant müsabiqəsinin qalibi olan “Azərbaycan İqtisadçılar İttifaqı” İctimai Birliyi tərəfindən “Şuşa rayonunun demoqrafik, sosial-iqtisadi inkişaf vəziyyəti və prespektivləri” adlı layihəsi çərçivəsində hazılanıb.
Tədbiri giriş sözü ilə Şuşa rayon İcra Hakimiyyəti başçısının müavini Vüsalə Fətəliyeva açaraq, tədbir iştirakçılarını salamlayıb. Sonra Azərbaycan Respublikasının dövlət himni səsləndirilmiş və doğma Qarabağımız uğrunda canlarını qurban vermiş şəhidlərimiz 1 dəqiqəlik sükutla yad edilib.
Təqdimat mərasimində Müşahidə Şurasının üzvü İlqar Orucov çıxış edərək “Şuşa-270” layihələrinin vacibliyini vurğulamış, “Böyük qayıdış” Birinci Dövlət Proqramının təsdiq edilməsi ilə əlaqədar QHT-nin qarşıda duran vəzifələrindən danışıb.
Layihə və kitab haqqında geniş məlumat verən layihə rəhbəri iqtisadiyyat üzə fəlsəfə doktoru, dosent Aytən Səmədzadə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin rəhbərliyinə Şuşa ili çərçivəsində “Şuşa-270” layihəsi üzrə “Şuşa rayonunun demoqrafik, sosial-iqtisadi inkişaf vəziyyəti və perspektivləri” istiqamətinin Aİİ -yə etimad göstərərəkhəvalə etməsinə görə təşəkkürünü bildirib.
Layihənin eksperti Azərbaycan İqtisadçılar İttifaqının sədri, akademik Ziyad Səmədzadə layihə barədə məlumat verərək bildirib ki, Zəngin və mürəkkəb inkişaf yolu keçmiş Azərbaycanın, eləcə də Cənubi Qafqazın mədəni və ictimai-siyasi həyatında müstəsna rol oynamış Şuşa haqqında tədqiqat aparmaq bizim üçün böyük şərəf və məsuliyyət deməkdir.
Onun sözlərinə görə, bu layihə üzərində çalışarkən çoxsaylı arxiv materiallarına, tarixi mənbələrə müraciət etdik və bir daha şahidi olduq ki, Qarabağ bölgəsinin tarixi, mədəniyyəti, burada elm və təhsilin, iqtisadi inkişaf məsələlərinin araşdırılması bundan sonra da diqqət mərkəzində olmalıdır. Layihədə 18-ci əsrin ikinci yarısından başlayaraq Şuşanın demoqrafik inkişafı, əhalisinin sayı, dinamikası və məşğuliyyəti barədə təklif və tövsiyələr verilib.
Layihənin eksperti, iqtisad elmləri doktoru, professor Rəsul Balayev Şuşada sənətkarlığın müxtəlif növlərinin, xüsusilə xalçaçılığın inkişafı, onun əhalinin məşğuliyyəti baxımından ən mühüm sənət sahələrindən biri olduğunu göstərmiş, vurğulayıb ki, kiabda Şuşanın qədim kənd təsərrüfatı ənənələri barədə maraqlı faktlar öz əksini tapmışdır. Araşdırmalar bir daha sübut edir ki, Şuşada ekoloji təmiz məhsul istehsalı üçün böyük potensial var, tarixən bu ərazilərin əlverişli iqlimi, münbit torpağı yetişdirilən məhsulların ekoloji cəhətdən təmiz olmasını şərtləndirir.
Bu tədqiqat işində işğaldan azad olunanŞuşada əhalinin dayanıqlı məskunlaşması, davamlı fəallığın təmin olunması üçün maraqlı fikirlər və təkliflər də yer alıb.
Tədqiqat işində bir daha vurğulanır ki, Şuşanın təbii resurs və sərvətləri turizmin və sahibkarlığın inkişaf imkanlarını da genişləndirir, onlardan səmərəli istifadə etməklə şəhər əhalisinin keyfiyyətli həyat şəraitini təmin etmək mümkündür.
Əminik ki, dövlət başçısının imzaladığı “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nda nəzərdə tutulduğu kimi, bu gün Şuşada müasir tələblərə cavab verən sosial və istehsal infrastrukturlarının yaradılması, istehsal və xidmət sahələrinin inkişafı əhalinin öz doğma yurdlarına qayıtmasına müsbət təsir göstərəcək, Böyük Qayıdışı təmin edəcək.
Təqdimat mərasimində Milli Məclisin üzvləri-iqtisad elmləri doktoru professor Eldar Quliyev, Arzu Nağıyev, Novruz Aslan, Aydın Hüseynov, eyni zamanda, tarix elmləri doktoru, professor İradə Hüseynova, Biznes Universitetinin rektoru, iqtisad elmləri doktoru, professor İbad Abbasov, professor Cəmilə Namazova, Şuşa rayon İcra Hakimiyyətinin başçısı Bayram Səfərov çıxış edərək yerinə yetirilmiş layihəni yüksək qiymətləndiriblər.
Layihə rəhbəri kitab haqqında fikrini tamamlayaraq, deyib:
“Biz inanırıq ki, “Şuşa -270” layihəsi əsasında dərc olunmuş bu gün təqdim olunan kitab Şuşanın tarixən formalaşmış milli-siyasi tərkibinin, sosial-iqtisadi və demoqrafik göstəricilərinin öyrənilməsi, əhalinin məşğulluq problemlərinin araşdırılması baxımından zəngin məlumatlar toplusu olmaqla, ölkəmizin bir çox, eləcə də bu qocaman Şuşa məktəbinin zəngin kitabxanasında çox oxunan və istinad ediləcək dəyərli mənbələrdən biri olacaq”.
Təqdim edilən kitab haqqında rəylərini bildirən millət vəkilləri və alimlər nəşri yüksək qiymətləndirib, gələcək nəsillər üçün çox dəyərli tarixi mənbə olacağını vurğulayıblar.
Qeyd edilib ki, kitabın rus və ingilis dillərinə tərcüməsi məqsədəuyğun hesab edilir.
Tədbir maraqlı konsert proqramı ilə davam edib.
Bədii hissədə Xalq artisti Aygün Səmədzadənin vətənpərvərlik ruhunda yazılmış mahnıları ifa edilib, tədbir iştirakçılarını sanki doğma Qarabağımıza apararaq bir daha düşmən üzərində böyük qələbəmizi yaşadıb.
Etikxeber.az
