Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Ərdoğan: Türkiyəyə qarşı məkrli planları birlikdə alt-üst edəcəyik
Sərhədlərimiz boyunca “terror dəhlizi” yaratmaq istəyənlərin bəslədiyi qatillərin başını elə öz yuvalarındaca əzdik. “Fərat qalxanı” və “Zeytun budağı” hərəkatları ilə “terror dəhlizi”ni param-parça etdik. Sadəcə, ölkəmizin təhlükəsliyi deyil, qonşularımızın, dostlarımızın, könül coğrafiyamızın sabitliyi də bizim məsələmizdir.
Etikxeber.az-ın xəbərinə görə, bunu Türkiyə prezidenti Rəcəb Tayyib Ərdoğan bu gün İstanbulda AKP-nin 6-cı konqresində çıxışı zamanı deyib.
O, qeyd edib ki, Türkiyənin təhlükəsizliyini hədəf alan bütün məkrli planlar necə böyük bir qərarlılıqla alt-üst edildisə, bundan sonra da eyni qərarlılıqla alt-üst ediləcək.
“Cudidə, Gabarda, Tendürekdə, Bestler Dərəsində biz vardıq. Gərəkdiyində Kandildə də vardıq. Düz yuvalarına girdik və terrorçuları tam tərksilah, məhv etdik. Odur ki, terrora, terrorçulara qarşı bir olacağıq, birgə mübarizə aparacağıq. Böyük olacağıq, diri olacağıq, qardaş olacağıq və birlikdə bütöv Türkiyə olacağıq. Bütün kirli, məkrli oyunları birlikdə alt-üst edəcəyik”-deyə, Ərdoğan sözlərinə əlavə edib.
Onu da qeyd edək ki, Ərdoğan konqresdə iyunun 24-də keçiriləcək növbədənkənar prezident və parlament seçkiləri ilə bağlı AKP-nin seçki proqramını açıqlayıb.
Həmçinin qedək ki, AKP ilə Millətçi Hərəkat Partiyası (MHP) bu seçkilərə “Cümhur ittifaqı” bloku ilə qatılıblar.
AKP və MHP birlikdə Ərdoğanın prezidentliyə namizədliyini irəli sürüb.
Cümhuriyyət Xalq, İYİ partiyaları və digər partiyalar da namizədlərini Ali Seçki Komissiyasına (YSK) təqdim ediblər.
Etikxeber.az
