Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün Cəlilabad rayonunun İkinci Vətən Müharibəsi Şəhidlərindən olan Ayxan Cəmaləddin oğlu Cəfərovun Anım Günüdür.
Onun Əbədiyyətə uğurlanmasından üç il keçir.
Etikxeber.az xəbər verir ki, Ayxan Cəfərov 1996-cı ilin 6 sentyabr tarixində Cəlilabad rayonunun Üçtəpə kəndində, sadə bir ailədə dünyaya gəlib.
Ailənin iki övladından biri olub.
2003-2014-cü illərdə orta məktəbdə oxuyub.
2015-ci ildə həqiqi hərbi xidmətə, Vətənin keşiyinə yollanıb…
Əsgərlik dövründə 2016-cı il Aprel döyüşlərinin iştirakçılarından olub.
Əsgərliyini başa vurduqdan sonra evinə-ailəsinə dönüb…
Və bir Vətən sevdalısı kimi İkinci Vətən Müharibəsində iştirak edib…
Cəbrayıl, Füzuli və Zəngilan istiqamətlərində döyüşlərdə iştirak edib…
Və oktyabr ayının 15-də, müharibənin 19-cu günündə qəhrəmancasına Şəhidlik məqamına ucalıb…
Nəşi iki gün sonra, oktyabrın 17-də Üçtəpə kənd qəbiristanlığında Əbədiyyətə uğurlanıb…
Şəhidliyindən sonra üç medalla təltif olunub…
O, həm də subay olub…
Məqamı uca, məkanı uca, ruhu şad olsun!
Ruhu qarşısında baş əyirik!
Nur içində yatsın!
Kamil HƏMZƏOĞLU (HƏMİDOV)
Etikxeber.az