Tək dayısı Birinci Qarabağ Savaşı, özü isə İkinci Vətən Müharibəsi Şəhidi olan-AİLƏNİN TƏK VƏ SUBAY ÖVLADI, ANASI TƏRƏFİNDƏN TƏKBAŞINA BÖYÜDÜLƏN EMİL ƏMİROV – BU GÜN ONUN ANIM GÜNÜDÜR…

Bu gün Mingəçevir şəhərinin İkinci Vətən Müharibəsi Şəhidlərindən olan Emil Zaman oğlu Əmirovun Anım Günüdür.

Emil Əmirovun Əbədiyyətə uğurlanmasından iki il keçir.

Etikxeber.az xəbər verir ki, Emil Əmirov 2000-ci ilin dekabr ayının 9-da Mingəçevir şəhərində dünyaya gəlib.

Evin tək oğlan övladı olub və anası tərəfindən təkbaşına böyüdülüb.

İkinci Vətən Müharibəsində MAXE kimi iştirak edib və oktyabr 15-də Şəhidlik məqamına ucalıb.

Ancaq nəşi 2 gün sonra, 17 oktyabr tarixində Mingəçevir şəhər Şəhidlər Xiyabanında dəfn edilib.

Şəhidliyindən sonra medallarla və bir ordenlə təltif olunub.

O, həm də subay olub.

Qeyd edək ki, Emil Əmirovun tək dayısı da Şəhiddir.

Dayısı, üç bacının tək qardaşı ola  Müzəffər İmanov 1992-ci ildə, 1-ci Qarabağ Şavaşında iştirak edib və avqustun 9-da Ağdərə istiqamətində ağır döyüşlər zamanı qəhrəmancasına Şəhidlik məqamına ucalıb.

Müzəffər İmanov da Mingəçevir şəhər Şəhidlər Xiyabanında dəf olunub.

Onu da qeyd edək ki, Mingəçevirdəki küçələrdən birinə Emil Əmirovun adı verilib.

Məkanı cənnətlik olsun!

Nur içində yatsın!

Kamil HƏMZƏOĞLU (HƏMİDOV)

Etikxeber.az