Qənirə Paşayeva müəllif hüquqları ilə bağlı MM-də dinləmənin keçirilməsini-TƏKLİF ETDİ

Bizə bir sıra mədəniyyət adamlarının, ziyalıların müraciətləri olur. Həmin müraciətlərdə müəllif hüquqlarının daha yaxşı qorunması mexanizmlərinin güclənməsi sahəsində təkliflər var. Bunların bəzisi qanunun icrasında yaranmış problemlərlə bağlıdır.

Etikxeber.az xəbər verir ki, bunu Milli Məclisin bu gün keçirilən iclasında parlamentin Mədəniyyət komitəsinin sədri Qənirə Paşayeva deyib.

Komitə sədri bildirib ki, bununla bağlı təkliflər hazırlayır.

“Sizin də razılığınız olarsa, “Müəlliflik hüququ və əlaqəli hüquqlar haqqında” qanunla bağlı təklifləri nəzərə almaqla, aidiyyəti orqanların da iştirakı ilə dinləmə keçirilsə, yaxşı olar”-deyə, o, əlavə edib.

Kamil HƏMZƏOĞLU

Etikxeber.az