“Əgər öz mədəniyyətimizə sahib çıxmasaq…” – ƏRDOĞANIN OĞLU – FOTO

Milli Yaylaq Festivalının təşkili Azərbaycanda milli idman növlərinin inkişafına çox güclü dəstəyin olduğunu göstərir. Azərbaycanda xüsusilə uşaqlar, gənclər öz milli idman növlərini öyrənməli, onları yaşatmalıdırlar.

Etikxeber.az xəbər verir ki, bunu Dünya Etnoidman Konfederasiyasının sədri, Türkiyə prezidentinin oğlu  Bilal Ərdoğan iyulun 26-da Gədəbəydə keçirilən birinci Milli Yaylaq Festivalının açılışındakı çıxışında deyib.

B. Ərdoğan bildirib ki, mədəniyyətimizi itirsək müstəqilliyimizi itirərik:

“Buna görə də gənc nəsil arasında milli idman oyunlarının təbliği aparılmalıdır ki, onlar unudulmasın. Əgər öz mədəniyyətimizə sahib çıxmasaq, o zaman bizi məğlub etmək istəyənlər arzularına çatarlar. Dünya Etnoidman Konfederasiyası olaraq, bu mesajı sadəcə türk dünyasında deyil, dünyanın hər bir yerində veririk. Hər bir xalq, millət öz milli idman növlərini yaşatmaq haqqına sahibdir. Bütün ənənəvi milli idman növləri dünyanın zənginliyidir. İnşallah konfederasiyamız həm Azərbaycanda milli idman növlərinin inkişafına dəstək göstərər, həm də Azərbaycan ictimaiyyətinin bu məsələyə marağını çəkməsinə vəsilə olar. Biz Dünya Etnoidman Konfederasiyası olaraq, Azərbaycan milli idman növləri sahəsində çalışan bütün qurumlarla çox yaxından əməkdaşlıq etmək istəyirik. Bugünkü gün bu baxımdan xoş bir başlanğıc olsun”.

Etikxeber.az