Əməliyyatlar dayandırılmasaydı, Ermənistan ordusu duruş gətirə bilməyəcəkdi – HƏRBÇİLƏR

Aprel döyüşlərində Azərbaycan ordusunun əsgər və zabitlərinin döyüş ruhu yüksək səviyyədə idi. Əgər əməliyyatlar dayandırılmasa idi, Ermənistan ordusu Silahlı Qüvvələrimiz qarşısında duruş gətirə bilməyəcəkdi. Düşmən bütün silah-sursatını atıb qaçmışdı.

Etikxeber.az xəbər verir ki, bu fikirlər martın 31-də aprel döyüşlərinin iştirakçısı olan bir qrup hərbçinin Müdafiə Nazirliyində təşkil olunan mətbuat konfransında səsləndirilib.

Silahlı Qüvvələrimizin zabiti, aprel döyüşləri zamanı minaya düşən polkovnik-leytenant Eldəniz Sadıqov bildirib:

“Düşmən elə zənn edirdi ki, Azərbaycan Ordusunun döyüş ruhu zəifdir. Lakin biz düşmənin xeyli sayda canlı qüvvə və texnikasını məhv etdik. Onlar Goranboy istiqamətində tanklarla hücuma keçmişdilər. Biz məlumat əldə etdikdən sonra düşmənin kəşfiyyat-diversiya qruplarının qarşısını alaraq, onlara layiqli cavablarını verdik. Düşmən bütün silah-sursatını qoyub qaçmışdı. Bundan başqa, ermənilər döyüş meydanından qaçmaq istəyən 15 əsgəri gülləyərək öldürüblər. Ermənilər indi də qorxu içindədirlər. Çünki bilirlər ki, Azərbaycan ordusu işğal altındakı torpaqlarımızı düşməndən azad edəcək”.

Aprel döyüşləri zamanı Azərbaycan xalqının birlik nümayiş etdirdiyini və bunu bütün dünyanın gördüyünü vurğulayan Lələtəpə istiqamətində gedən döyüşlərin iştirakçısı leytenant Səbuhi Mehdizadə isə bildirib:

“Lələtəpə mühüm strateji əhəmiyyətə malik bir yüksəklikdir. Biz həmin yüksəkliyi azad etmək üçün döyüşlərə qatılanda içimizdə yalnız ruh yüksəkliyi var idi. Bu yüksəkliyin azad edilməsi böyük uğurdur. İndi həmin yüksəkliyin sayəsində həmin istiqamətdə düşmənin bütün hərəkətlərini izləyə bilirik. Mən həmin döyüşdə başımdan yaralandım. Ancaq indi bizim yaralarımız sağalıb. İlk növbədə, millətimizin, dövlətimizin qayğısı sayəsində sağlamlığımızı bərpa edib, xidmətimizi davam etdirməyə başlamışıq və Ali Baş Komandanın əmrlərinə hazırıq”.

Etikxeber.az

Read Previous

Prezident: Aprel döyüşləri hərbi dərsliklərə salınmalıdır- FOTO – YENİLƏNİB

Read Next

PREZİDENT: “Lazım bildiyimiz anda biz bir daha göstərəcəyik ki, nəyimiz var”

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir