“Avro-2020”: DANİMARKANIN ARDINCA İNGİLTƏRƏ DƏ YARIMFİNALDA…- YENİLƏNİB – (9)

Bu gün futbol üzrə Avropa çempionatının dörddəbir final mərhələsinə yekun vurulur.

Etikxeber.az xəbər verir ki, günün ilk matçı Bakı Olimpiya Stadionunda Çexiya və Danimarka komandaları arasında keçiriləcək.

Saat 20:00-da başlayacaq görüşü niderlandlı FIFA referisi Byorn Kuypers idarə edəcək. Danimarka millisi səkkizdəbir finalda Uelsi (4:0), Çexiya seçməsi isə turnirin favoritlərindən sayılan Niderlandı mübarizədən kənarlaşdırıb – 2:0.

Günün və mərhələnin sonuncu qarşılaşmasında İngiltərə və Ukrayna yığmaları üz-üzə gələcək. Romadakı “Olimpiko” stadionunda baş tutacaq qarşılaşma Bakı vaxtı ilə saat 23:00-da start götürəcək. Görüşün baş hakimi almaniyalı Feliks Brix olacaq. Britaniyalılar əvvəlki raundda Almaniyanı (2:0), Ukrayna isə İsveçi üstələyib – 2:1.

Bu iki oyunun qalibi yarımfinalda bir-birinə rəqib olacaqlar.

“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək.

Yarımfinal və final görüşlərinə Londondakı “Uembli” stadionu ev sahibliyi edəcək.

Birinci yarımfinal matçında İtaliya və İspaniya komandaları qarşılaşacaqlar.

18:59

***

Qarşılaşma başlayıb.

Hesab hələlik açılmayıb-0:0.

20:02

***

Oyunda hesab açılıb.

Qarşılaşmanın beşinci dəqiqəsində Danimarka millisi hesabı açaraq, 1:0 önə çıxıb.

20:06

***

Danimarka millisi 42-ci dəqiqədə yenidən önə çıxıb.

Hesab 2:0 Danimarka millisinin xeyrinədir.

20:44

***

Çexlər oyunun 49-cu dəqiqəsində fərqi azalda biliblər.

Hesab 1:2 olub.

21:10

***

Qarşılaşma 2:1 Danimarkanın xeyrinə başa çatıb.

Beləliklə, Danimarka yarımfinala adlayan 3-cü milli olub.

21:56

***

Günün və mərhələnin sonuncu oyunu, İngiltərə-Ukrayna qarşılaşması başlayıb.

Hesab hələlik 0:0-dır.

23:01

***

Oyunun 4-cü dəqiqəsində hesab açılıb.

İngilislər 1:0 önə çıxıblar.

23:06, 3 iyul

***

Oyunda hesab yenidən artıb.

İngilislər ikinci hissənin əvvəlində daha iki qol vuraraq, hesabı 3:0-a çatdırıblar.

00:13

***

Oyunda hesab yenidən artıb.

İngilislər 4-cü qolu vuraraq, hesabı 4:0-a çatdırıblar.

Oyun başa çatmasa da, İngiltərə yığması artıq yarımfinala adlayıb.

00:27

***

Oyun 4:0 hesabı ilə başa çatıb.

İngilislər yarımfinala yüksəliblər.

Etikxeber.az