“Biz Azərbaycan Türkləriyik!” – ƏMƏKDAR ARTİST

“Deyəcəklər ki, sən niyə yenə də yazdın… Axı, susmaq olmur?! Özümüzü aldadaq?!”

Etikxeber.az xəbər verir ki, bunu tanınmış müğənni, illərin sənətçisi, Əməkdar artist Firuzə İbadova sosial şəbəkədəki statuslardan birinə yazdığı və növbəti şərhində qeyd edib.

” Axı, rus rejimi olanda da bizə Türk (Türkiyə) musiqisini oxumağı qadağan etmişdilər?! Hərdən ifa edəndə də maaşdan kəsilirdi. Əzizlərimiz, indi nə etmək istəyirsiniz, deyin, biz də bilək?! Keçmişdə ruslar, ermənilər…İndi də bəzi “özümüzünkülər”…öz millətimizdən “olanlar”…”- deyə, qeyd edən Əməkdar artistin yazdığına görə, gah Şah İsmayıl Xətaiyə dil uzadılar, gah da deyilir ki, biz Türk deyilik…

“Bundan sonra hansı yazar, hansı qəhrəmanımız gələcək, kimə dil uzadılacaq?..

Nə etmək istəyirsiniz? Biz kimik deyim Sizlərə: Biz Azərbaycan Türkləriyik!

Qədim Xalqıq, ay bizim ziyalılarımız!

Əlifbamız bəlli, Dilimiz bəlli, Dinimiz İslam, Kitabımız da “Qurani-Kərtim!”-deyə, F. İbadova daha sonra qeyd edib.

Etikxeber.az