Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Ermənistan baş nazirinin arvadı Anna Akopyan işğal altındakı Azərbaycan torpaqlarında hərbi hazırlıq üzrə “bir həftəlik” kurs keçib.
Bu nə qədər ermənilər adına qürurlu görünsə də əslində prosesin çox ciddi sosial və siyasi səbəbləri var. Xatırlayırsınızsa, bir neçə gün öncə Ermənistan hakimiyyəti “Müdafiə haqqında” qanuna dəyişiklik etmək üçün layihəni ictimai müzakirələrə çıxarmışdı.
Dəyişikliyin mahiyyəti də ondan ibarət idi ki, yaşından və cinsindən asılı olmayaraq könüllü xalq ordusu formalaşdırılsın.
Bunun da bir səbəbi var, ermənistanda demoqrafik böhran yaşanır, ermənistan rəsmiləri 3 milyon olduqlarını iddia etsələr də bu gün ölkədə cəmi 1.6 milyon insan yaşayır. Əhalinin də böyük əksəriyyətinin qadın uşaq və qoca olması səbəbindən artıq gənc çağırışçılar hesabına ordu qurulması mümkün deyil. Nəticə olaraq dövlətin yeganə ümidi yeni qanuna, daha dəqiqi qadınların, yaşlıların və muzdluların orduya cəlb edilməsinə qalıb.
Akopyanın da “təlim” adı altında fotolarla tirajlanan 1 həftəlik istirahəti məhz qadınların orduya təşviqinə hesablanıb. Prosesin Qarabağda baş tutmasına gəlincə, bilirsiz ki, son dövrlər beynəlxalq hüquqa zidd olaraq əraziyə başqa ölkələrdən ermənilər köçürülməkdədir. Akopyanın bu təşviqatı ilə gətirilən ermənilərin çox ucuz muzdlu kimi orduya cəlb olunmasına hesablanıb.
Bu qədər sadə. Ortada qəhrəmanlıq, təntənə axtarmağa, ucuz şou düzəltməyə və bu şounun iştirakçısı olmağa dəyməz. Sonda heç bir təhqirə yol vermədən deyim ki, son iki əsrdə erməni qadının missiyası barədə çox yazılıb, çox danışılıb, xanım Akopyan da, Paşinyan da yaxşı bilir ki, erməni qadınının “tarixi missiyası” heç vaxt səngərdə döyüşmək olmayıb.
Bunu biz demirik, böyük yazıçılar, tarixçilər yazır ki, erməni kişisi öz məqsəd və maraqları üçün qadınını hər cür çirkin əmələ sövq edib, onların tarixdə rolu bu olub. (məsələn, İtalyan psixiatr alim Çezare Lombrozo “Cinayətkar və fahişə qadınlar”, fransız tarixçisi Pyer Düfur “Fahişəliyin tarixi”, erməni tarixçi Georq Qoyan “Erməni teatrının 2000 yaşı. Cild 1: Qədim Ermənistanın teatrı”, Ukrayna dövlət xadimi V.L.Veliçkonun «Кавказ. Русское дело и междуплеменные вопросы» və s. )
Dərindən yanaşanda, prinsipcə bu gün də tarixin təkərrür etdiyini, eyni proseslərin getdiyini görürük -erməni “kişisi” yenə qadını önə buraxıb.
Ona görə azərbaycanlıları səngərdəki yox, evlərinə, şəxsi həyatlarına istər erməni, istər başqa millət adıyla yol tapmış və ya bundan sonra yol tapa biləcək “harsınlar” narahat etməlidir.
Bəhruz MƏHƏRRƏMOV,
Millət vəkili
Etikxeber.az
