“Hökümət süni qiymət artımının qarşısını almalıdır”-VAHİD ƏHMƏDOV

Dünyada çox ciddi iqtisadi böhran gedir və bu, Azərbaycana da öz təsirini göstərir.

Etikxeber.az xəbər verir ki, bunu millət vəkili Vahid Əhmədov parlamentdə çıxışı zamanı bildirib.

O, qeyd edib ki, baş verənlərin fonunda Azərbaycanda süni qiymət artımı yaşanır və bunun qarşısı vaxtında alınmalıdır.

“Düzdür, İqtisadiyyat Nazirliyi, Antiinhisar və İstehlak Bazarına Nəzarət Dövlət Xidməti süni qiymət artımının qarşısının alınması ilə bağlı addımlar atır, amma bunlar yetərli deyil. Azərbaycan hökuməti süni qiymət artımının qarşısının alınması ilə təcili ciddi addımlar atmalıdır. Buna böyük ehtiyac var”-deyə, V. Əhmədov sözlərinə əlavə edib.

Kamil HƏMZƏOĞLU (HƏMİDOV)

Etikxeber.az