Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Azərbaycan Xarici İşlər nazirinin müavini Nadir Hüseynov tutduğu vəzifədən azad edilib.
Etikxeber.az-ın xəbərinə görə, bu barədə virtualaz.org-a Azərbaycan Xarici İşlər Nazirliyindəki (XİN) mənbələr məlumat veriblər.
Xatırladaq ki, N. Hüseynov 2010-cu ildən nazir müavini vəzifəsində çalışırdı.
Həmçinin adıçəkilən saytın yazdığına görə, Azərbaycan Prezidenti İlham Əliyevin Sərəncamı ilə Birinci vitse-prezident Katibliyi rəhbərinin müavini Fariz Rzayev Azərbaycan Xarici İşlər nazirinin müavini vəzifəsinə təyin edilib.
Sayt daha sonra yazıb ki, Azərbaycan Prezidentinin digər Sərəncamı ilə Xarici İşlər nazirinin müavini vəzifəsindən azad olunan N. Hüseynova yeni vəzifə verilib.
Sayt XİN-nin Mətbuat xidmətinə istinadən bildirib ki, N.Hüseynov Xarici İşlər nazirinin əmri ilə xüsusi tapşırıqlar üzrə səfir təyin edilib.
Qeyd edək ki, 60 yaşlı və əslən Gəncədən olan N. Hüseynov mərhum dövlət başçısı Heydər Əliyevin ən yaxın silahdaşlarından və ən inandığı kadrlarından olan mərhum Sabir Hüseynovun oğlududur.
General S. Hüseynov H.Əliyevin birinci hakimiyyəti dönəmində Daxili İşlər nazirinin müavini vəzifəsində çalışıb və sayılıb-seçilən insanlardan olub.
S. Hüseynov eyni zamanda, Xarici İşlər nazirinin digər müavini Mahmud Məmmədquliyevin əmisidir.
Onu da qeyd edək ki, əslən Gəncədən olan 71 yaşlı M. Məmmədquliyev 27 ildir Xarici İşlər nazirinin müavini vəzifəsində çalışır.
Etikxeber.az
