“Qısa zamanda ölkədə islahatların növbəti dalğasının şahidi olacağıq” – DEPUTAT

“Biz yaxın zamanlarda  ölkə prezidenti İlham Əliyevin həyata keçirdiyi ciddi struktur islahatlarının şahidi olacağıq”.
Bu fikri Etikxeber.az-a açıqlamasında hakim Yeni Azərbaycan Partiyasından (YAP) olan miillət vəkili Eldəniz Səlimov deyib.
Millət vəkili deyib ki,  yaxın günlərdə Mərkəzi Seçki Komissiyası (MSK) sentyabrın 26-də keçirilən referendumun nəticələrini təsdiqləyəcək. “Bildiyiniz kimi, MSK  qanunvericiliyə uyğun olaraq 25 gün ərazində referendumun nəticələrini təsdiq etməlidir. Prezident və parlament seçkilərindən fərqli olaraq referendumun nəticələrini Konstitusiya Məhkəməsi təsdiq etmir. Referendumun nəticələri MSK tərəfindən təsdiqləndikdən  qısa müddət sonra  ciddi idarəetmə sistemində islahatlara start veriləcək”– deyə, millət vəkili vurğulayıb.
Onun dediyinə görə, ölkə başçısı 2016-ci ili “islahatlar ili” elan edib: “Lakin referendum bu islahatlara  təkan verəcək. Belə ki, referendumun nəticələrinə uyğun olaraq idarəetmə sisteminin təkmiləşdirilməsi isitqamətində islahatlara başlanacaq”.
Millət vəkili əlavə edib ki, ölkə başçısının bu günlərdə son 9 ayın yekunlarına həsr olunmuş Nazirlər Kabinetinin iclasında da dediyi kimi, dünyada iqtisadi böhran hökm sürür, ancaq böhranlar öz-özlüyündə pis bir əlamət olsa da, bir sıra islahtların sürətli və səmərəli həyata keçirilməsində katalizator rolunu oynadı. “Ümumiyyətlə, həmin iclas çox tarixi və əlamətdar bir iclasdır. Orada ölkəmizdə, o cümlədən, bölgəmizdə və bütövlükdə dünyamızda baş verən proseslərlə bağlı çox ciddi fikirlər səsləndi, mesajlar verildi, çağırışlar edildi. Ölkə başçısı bir daha dünyada hökm sürən siyasi-iqtisadi-hərbi gərginliklərə, katakllizmlərə rəğmən Azərbaycanın ciddi inkişaf yolunda olduğunu, ölkəmizin heç nəyə fikir vermədən bundan sonra da  öz yoluyla gedəcəyini, addımlayacağını inamla vurğuladı. Bu da onu deməyə tam əsas verir ki,  biz qısa zamanda ölkədə islahatların növbəti dalğasının və bu islahatlar nəticəsində də Azərbaycan xalqının maddi- rifah halının bir daha yaxşılaşmasının şahidi olacağıq. Buna da hər kəs əmin olsun”– deyə, millət vəkili daha sonra bildirib.
Etikxeber.az

Read Previous

“Azəri”, “Çıraq”, “Günəşli”də yeni layihələrlə bağlı danışıqlar davam edir- FOTOLAR – YENİLƏNİB

Read Next

“Hər bir rəhbər işçi ölkənin inkişafı naminə işlər görməyə çalışmalıdır”- Millət vəkili

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0