Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
19 may tarixində (dünən) növbəti dəfə Bərdəyə, baş tacımız olan Şəhidləri-Şəhid ailələrini ziyarətə germişdik…
Bərdəyə çatan kimi, Güloğlular kənd məktəbində daha bir Şəhidimizin-Fəxri Qəribzadənin adına sinif verildiyini eşitdik, daha doğrusu, bu xəbəri Şəhidimizin anası Mehparə xanım (Qəribova) dedi…
Və təbii ki, bu sevindirici xəbərə reaksiyasız qala bilməzdik, Şəhid ailələrini ziyarətimiz zamanı ilk öncə evin tək oğlu, anası-Mehparə xanım tərəfindən minbir əziyyətlə, təkbaşına böyüdülmüş və Ağdərə istiqamətində Şəhid olmuş MAXE Fəxri Qəribzadənin Güloğlular kənd orta məktəbində adına verilmiş sinif otağına baş çəkməyə yollandıq…
Özü də Şəhidimizin ailə üzvləri-anası Mehparə xanım, bacısı Türkanə xanım, bacısının 3 övladı və dayısının həyat yoldaşı ilə birlikdə…
Bu yerdə onu da qeyd edək ki, Güloğlular məktəbində 4 Şəhidimizin adına sinif verilib-Fəxrinin, Xudayar Yusifzadənin, Baloğlan Nağıyevin və Eldar Sadıqovun…
Fəxri, Xudayar və Baloğlan İkinci Vətən Müharibəsinin, Eldar isə Birinci Qarabağ Savaşının Şəhididir…
Bu nəcib təşəbbüs isə məktəbin kollektivi və 10 ildən çoxdur ki, məktəbə uğurla rəhbərlik edən, çox səmimi və çox vətənpərvər insan – məktəb direktoru Tinatin xanım tərəfindən gəlib və reallaşdırılıb…
Əslən Ağdamlı və 3 övlad (iki oğlan və bir qız) anası olan Tinatin müəllim həm də Qazi qohumu, yaxınıdır…
Tinatin xanımın qızının həyat yoldaşı Fərahim Əşrəfli İkinci Qarabağ Savaşının iştirakçısı və Qazisidir…
Fərahim də digər Vətən sevdalıları kimi, İkinci Qarabağ Savaşının ilk günlərindən döyüşlərdə olub…
Döyüşüb, vuruşub, igidliklər göstərib…İki dəfə xəsarət alıb, yaralanıb, ölümdən dönüb…
Göstərdiyi igidlik, qəhrəmanlıq dövlətimiz, Ali Baş Komandan tərəfindən də dəyərləndirilib, İgidimiz medalla təltif olunub…
Allah qorusun, İgidimizi-Fərahimi!
…Sonra Şəhidimizin ailə üzvləri ilə bir-bir Şəhidlərimizin adlarını daşıyan sinifləri, sinif otaqlarını gəzdik, onlara baş çəkdik, bu nəcib və gözəl təşəbbüslərinə, addımlarına görə,məktəb kollektivinə, başda da Tinatin xanım olmaqla, minnətdarlığımızı ifadə etdik…
Sonda da xatirə fotoları çəkdirdik…
Allah cəmi Şəhidlərimizə rəhmət etsin, məzarlarını nurla doldursun!
Allah Güloğlular məktəbinin kollektivinə də gələcək işlərində, fəaliyyətlərində uğurlar, nailiyyətlər nəsib etsin!
Kamil HƏMZƏOĞLU (HƏMİDOV)
Etikxeber.az
