“Standartlara tam cavab verən, ağ ciyər və travmatoloji xəstələr üçün nəzərdə tutulan rentgen flüoroqrafiya cihazı vətəndaşlara xidmət göstərməkdədir”-DEPUTATDAN TƏKZİB – FOTOLAR

Məlumat vermək istərdim ki, son günlər bəzi xəbər saytlarında Xaçmaz şəhər Mərkəzi Xəstəxanasında yerləşən rentgen flüoroqrafiya aparatının köhnə olması ilə bağlı paylaşımlar əsasında araşdırılma aparılıb. Araşdırma nəticəsində məlum olub ki, xəstəxananın yeni rəqəmsal və standartlara tam cavab verən, ağ ciyər xəstələri və travmatoloji xəstələr üçün nəzərdə tutulan rentgen flüoroqrafiya cihazı vətəndaşlara xidmət göstərməkdədir.

Etikxeber.az xəbər verir ki, bunu Xaçmazı parlamentdə təmsil edən millət vəkili Eldəniz Səlimov deyib.

“Şəkildə olan köhnə rentgen cihazı da tam işlək vəziyyətdədir və iş prinsipi yalnız profilaktik yoxlanışlar üçündür”-deyə, o, sözlərinə əlavə edib.

Etikxeber.az