Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Əslən Şuşalı olan və Mingəçevir şəhərində yaşayan Şəhid bacısı Elnarə Əli qızı Hüsynova Şuşa şəhər İcra Hakimiyyətinin başçısı Bayram Səfərova müraciət ünvanlayıb.
Etikxeber.az-ın xəbərinə görə, müraciətdə deyilir:
“Yazıb Sizə bildirmək istəyirəm ki, mən-Elnarə Əli qızı Hüseynova İkinci Vətən Müharibəsi Şəhidi, 3 medallı Əzəmi Əli oğlu Hüseynovun bacısıyam. Qardaşım 2020-ci ilin oktyabr ayının 8-də Vətən torpaqları, üzünü görmədiyi Qarabağı uğrunda canından keçib, qəhrəmancasına həlak olub, Şəhidlik məqamına yüksəlib. Əzəmi ailənin tək oğlan övladı, üç bacının tək qardaşı idi. O, həm Mingəçevirin, həm də Şuşanın İkinci Vətən Müharibəsi Şəhidlərindəndir. Şuşanın İkinci Qarabağ Savaşındakı 9 Şəhidindən biridir. Biz 1992-ci ildən-məlum səbəblərdən Mingəçevir şəhərində yaşasaq da, əslən Qarabağlı, Şuşalıyıq. Qardaşım Mingəçevir şəhər Şəhidlər Xiyabanında uyuyur, məzarı oradadır.
Ürək ağrısı ilə qeyd etmək, bildirmək istəyirəm ki, xeyli müddətdir qardaşımın qəbir, məzar daşı çatlayıb. Tək yaşayan anamın da elə bir maddi imkanı yoxdur ki, qəbir, məzar daşını təzəsi ilə əvəzləsin. Bu isə bizi çox üzür, həm də qardaşımın ruhunu incidir. Ona görə Sizdən bir yaralı, dərdli Şəhid bacısı olaraq, dönə-dönə xahiş və rica edirəm ki, qardaşımın qəbir, məzar daşının təzələnməsi üçün imkanınız daxilində maddi dəstək və köməkliyinizi əsirgəməyəsiniz. Bununla həm Şəhidimizin nakam ruhunu şad etmiş, həm də övlad dərdi ilə yanıb-qovrulan Şəhid anasının qəlbinə su səpmiş olarsınız. Oncədə də Sizə minnətdarlığımı bildirirəm”.
Etikxeber.az
