Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Qarabağımızın, Vətən torpaqlarının yağı və qəvi düşmən tapdağından azad olunması yolunda canını fəda edən övladlarımızdan biri də Göyçaylı Həsən Ağaisa oğlu Bayramovdur…
Cəmi 19 yaşlı, Azərbaycan Ordusunun Əsgəri, Vətən sevdalısı, İgid, Qəhrəman Həsən Ağaisa oğlu…
Vətənini, Qarabağını ailəsindən üstün tutub, onun yolunda Şəhidlik məqamına ucalan Həsən Bayramov…
Qeyd edim ki, Həsən Bayramov 2001-ci ilin iyun ayının 22-də Göyçay şəhərində, sadə bir ailədə dünyaya gəlib…
Ailənin iki övladından, iki qardaşdan biri və evin böyük oğlu olub…
Hazırda tək qardaşının 16 yaşı var və orta məktəbdə oxuyur…
Həsən orta məktəbi bitirdikdən bir müddət sonra, 2019-cu ildə Vətənin keşiyinə, həqiqi hərbi xidmətə yollanıb…
Xidmətinin başa çatmasına cəmi üç qalmış isə İkinci Vətən Müharibəsi başlayıb və Azərbaycan Ordusunun, 1 il 3 ayın Əsgəri, bir Vətən sevdalısı kimi döyüşlərə atılıb…
Şərəfli döyüş yolu cəmi 5 gün çəkib və oktyabrın 1-də Tərtər-Ağdərə-Suqovuşan istiqamətində qəhrəmancasına Şəhidlik məqamına ucalıb…
Ancaq nəşini uzun müddət tapmaq mümkün olmayıb…
Yalnız 2 ay 12 gündən sonra nəşini əldə etmək mümkün olub və dekabr ayının 13-də Göyçay rayon Şəhidlər Xiyabanında Əbədiyyətə uğurlanıb…
Şəhidliyindən sonra bir neçə medalla təltif olunub…
O, həm də subay olub…
***
Cəmi bir neçə gün öncə Göyçay rayon Şəhidlər Xiyabanını ziyarət edərkən Şəhidimizin anası Rəsmiyyə xanımla tanış oldum…
Dərdli, Yaralı, övlad həstərli Şəhid anası balasının məzarı başında için-için ağlayır, səssizcə göz yaşları tökürdü…
Çox ağrılı, çox təsirli bir mənzərə idi…
Allah kimsəyə, heç bir bəndəsinə yaşatmasın!
Şəhidimizin anasına yaxınlaşdım, ona, ailəsinə Allahdan səbr və dözüm arzuladım…
“Şəhidimizin, balanızın ruhu şad, məkanı cənnətlik olsun!”-dedim…
Təxminən 10-15 dəqiqə söhbətləşdim, dərdləşdim…
Çox sual vermədim, çox danışdırmadım…
Çünki qaysaq bağlamayan yarasını bir daha qanatmaq, diməyən acısını bir daha göynətmək, alovlandırmaq istəmədim…
Və söz verdim ki, bir gün onları Şəhidimizin ocağında da gəlib ziyarət edəcəyəm…
Məqamı Uca, dərgahı mübarək olsun, Nur üzlü Şəhidimizin!
Allah bir daha və bir daha ailəsinin, Rəsmiyyə ananın səbr və dözümünü varsin!
Nur içində uyusun!
***
FOTOLAR:
Kamil HƏMZƏOĞLU (HƏMİDOV)
Etikxeber.az
