Qırğızıstan parlamentində üç fraksiyadan ibarət koalisiya çoxluğu yaradıldı

Qırğızıstan parlamenti-Joqorku Keneşdə üç fraksiyadan ibarət koalisiya çoxluğu yaradılıb.

Etikxeber.az-ın xəbərinə görə, bu haqda jurnalistlərə Qırğızıstan Sosial-Demokrat Partiyasının (QSDP) parlamentdəki fraksiyasının lideri məlumat verib.

Bildirilib ki, koalisiya çoxluğuna Qırğızıstan Sosial-Demokrat, Bir-Bol və “Kırqızıstan” partiyalarının parlament fraksiyaları daxil olub.

Xatırladaq ki, bu il oktyabrın 24-də QSDP parlamentdəki koalisiya çoxluğundan çıxdığını elan edib, oktyabrın 26-da Qırğızıstan Prezidenti Almazbek Atambayev hökuməti istefaya göndərmişdi.

Prezidentin müvafiq Fərmanına əsasən noyabrın 17-dək yeni hökumətin proqramı və strukturu təsdiq olunmalı, Baş nazirin namizədliyi və hökumətin tərkibi müəyyən edilməlidir.

Etikxeber.az