Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Avro-2020-də 1/4 final mərhələsinə start verilib.
Etikxeber.az məlumat verir ki, mərhələnin ilk oyunu Rusiyada keçirilib.
Sankt-Peterburqda təşkil olunan matçda üçqat Avropa çempionu İspaniya AVRO-2020-nin ən böyük sensasiyasının müəllifi İsveçrə ilə üz-üzə gəlib.
Qarşılaşma erkən avtoqolla başlayıb. İsveçrəli Denis Zakariya 8-ci dəqiqədə öz qapısına qol vurub. Fransadan sonra ispanları da mübarizədən kənarlaşdırmaq niyyətində olan Vladimir Petkoviçin yetirmələri fasilədən sonra hesabda tarazlıq yaradıb. İkinci hissənin ortalarında Cerdan Şakiri bərabərlik qoluna imza atıb.
Lakin hissənin sonlarında isveçrəlilər azlıqda qaldqdan sonra böyük qüvvə ilə müdafiəçiyə çəkilib. İspaniya matçın əsas və əlavə vaxtında say üstünlüyündən yararlana bilməyib. Aramsız hücumlar edən Luis Enrikenin yetirmələri rəqibin müqavimətini qırmaqda çətinlik çəkib. Yarımfinala vəsiqənin sahibi penalti seriyasında bəlli olub. “Lotereya”da daha dəqiq olan İspaniya yarımfinala yüksəlib.
1/8 finalda Fransanı penaltilərlə keçən İsveçrə bu dəfə uduzub.
Qeyd edək ki,İspaniya bu gün keçiriləcək Belçika – İtaliya cütünün qalibi ilə yarımfinalda qarşılaşacaq. 1/4 final mərhələsinə sabah baş tutacaq iki oyunla (20:00. Çexiya – Danimarka, 23:00. Ukrayna – İngiltərə) yekun vurulacaq.
Avro-2020
1/4 final
2 iyul
20:00. İsveçrə – İspaniya – 1:1, pen. 1:3
Qollar: Cerdan Şakiri, 68 – Denis Zakariya, 8 (öz qapısına)
Baş hakim: Maykl Oliver (İngiltərə)
Sankt-Peterburq stadionu
23:41
***
İlk günün ikinci oyunu Almaniyada baş tutub.
Münhendəki görüşü erkən final da adlandırmaq olardı. Çünki əsas favoritlər Belçika ilə İtaliya yarımfinala vəsiqə uğrunda matçda qarşılaşıb. Hər iki komandanın Avropa çempionatlarında buna qədərki son 14 oyunda ardıcıl qələbə qazanması görüşə olan marağı daha da artırırdı.
Gözlənildiyi kimi, azarkeşlər kifayət qədər sürətli oyuna tamaşa ediblər. “Skuadra Adzurra”nın erkən qolu VAR sistemi tərəfindən ofsayd olduğu üçün ləğv olunsa da, komanda hissənin ortalarında istəyinə çatıb. Belçikanın üstün olduğu dəqiqələrdə Nikolo Barella yaxın məsafədən dəqiq zərbə ilə italyanları önə keçirib. Fasilə ərəfəsində daha 2 qol qeydə alınıb. Əvvəlcə Lorenzo İnsinye möhtəşəm qolla rəqibi ikinci dəfə mərkəzə dəvət edib. Lakin cəmi 3 dəqiqə sonra Romelu Lukaku penalti qolu ilə fərqi minimuma endirib.
Baxımlı və açıq oyun ikinci hissədə də davam edib. Hər iki komanda sürətli hücumlarla qol imkanları yaradıb. Xüsusən də, belçikalılarda Lukaku iki dəfə yaxın məsafədən boş qapıya düşə bilməyib. Bu da komandasının məğlubiyyətdən qaçmaq ümidinin üstündən xətt çəkib. Nəticədə minimalhesablı qələbə qazanan “Skuadra Adzurra” yoluna davam edib.
İtaliyanın yarımfinaldakı rəqibi İspaniya olacaq. Final yolunda son duel iyulun 6-da Londonda keçiriləcək.
Qeyd edək ki, 1/4 final mərhələsinin digər iki oyunu iyulun 3-də olacaq. Çexiya ilə Danimarka Bakı vaxtı ilə saat 20:00-da paytaxtımızda, İngiltərə ilə Ukrayna isə 23:00-da Romada üz-üzə gələcək.
Avro-2020
1/4 final
2 iyul
23:00. Belçika – İtaliya – 1:2
Qollar: Romelu Lukaku, 45+2 (pen.) – Nikola Barella, 31, Lorenzo İnsinye, 44
Baş hakim: Slavko Vinçiç (Sloveniya)
Münhen. “Alyans Arena”
Etikxeber.az